Fran Devesa solicitará no próximo pleno a creación dunha zona verde para persoas de todas as idades no Campo, “un proxecto viable, sostible e adaptado ás necesidades reais das veciñas e veciños de Xanza”
Son moitos os vehículos que permanecen estacionados na contorna das instalacións industriais de Campaña, moitas veces en zonas non adecuadas, polo que é urxente ampliar as prazas de aparcamento na zona, mellorar a ordenación do tráfico e garantir a seguridade viaria
Carme da Silva, senadora do BNG, rexistrará unha iniciativa esixindo que esta nova infraestruturas dispoña de beirarrúas e espazos para o desprazamento peonil, tal e como estaba proxectado e anunciado en numerosas ocasións polo goberno municipal de Valga
Valga afronta unha das peores vagas de incendios forestais dos últimos anos en Galiza sen medios humanos propios, co consecuente aumento no tempo de resposta dos equipos de extinción ante un eventual incendio, xa que estes terían que desprazarse desde outros concellos
A actual situación de abandono non é casual, é o resultado dunha absoluta falta de planificación por parte do goberno municipal, o cal está unicamente centrado en megaproxectos cos que alimentar o ego do actual alcalde de Valga
Este protocolo debe incluír medidas claras para avaliar os riscos nos domicilios, mecanismos de resposta inmediata ante agresións ou ameazas, e un acompañamento efectivo, tanto en materia de seguridade, como de atención psicolóxica no caso de sufrir situacións violentas
Moitas comisións de festas levan anos demandando a actualización da contía concedida polo goberno municipal para a realización das celebracións populares, un importe que é exactamente o mesmo que fai dez anos, claramente insuficiente e desfasada en pleno 2025
Este sistema permitiría comunicar de maneira áxil incidencias, danos ou desperfectos en beirarrúas, alumeado, espazos verdes ou parques infantís, mais tamén serviría para solicitar uso de instalacións deportivas ou consultar un directorio de todos os negocios de Valga
Isto é unha mostra máis de que, para o alcalde e o resto do goberno municipal, o importante non é a veciñanza de Valga, senón colocar aos seus a través de procesos selectivos deseñados para favorecer a contratación de persoas concretas
Outra análise realizada polo BNG de Valga foi os contratos de obra ou servizos publicados polo Concello de Valga na plataforma de Contratos Públicos durante este ano, repartidos en catorce licitacións diferentes, das que nove incumprirían tamén a Lei de Contratos do Sector Público
Os campos de fútbol de Campaña son usados por máis de 200 rapaces das diferentes categorías de base, dous equipos sénior, oito equipos do campionato de fútbol de veteranos de Valga, un equipo que participa na liga provincial de veteranos e tamén escolas de verán
No referente á análise dos contratos de importe inferior a 5.000 euros, o ente fiscalizador das contas afirma que “a aprobación de gasto é posterior á data da factura en case o 98% dos expedientes que constan na documentación contable”
Unha vez feitas públicas as listaxes de admitidos na Escola de Verán, as quendas de xullo foron completadas todas as prazas e as de agosto quedaron 42 libres, indicativo da falta de previsión do goberno municipal que non tivo en conta a elevada demanda que se rexistra ano tras ano en xullo
As carencias deste departamento de Servizos Sociais non están tanto no persoal técnico, senón nas necesidades dos usuarios do Servizo de Axuda no Fogar, e sobre todo, na concesión definitiva de horas aos novos usuarios que están actualmente na listaxe de agarda
Luís Bará, deputado do BNG no Parlamento de Galiza, denuncia a ocultación e falta de transparencia do Goberno do PP na tramitación e cuestiona que Agader “actuase de oficio” para impulsalo
Isto axudaría a dinamizar a vida social e económica de Valga e atraería o novo talento local, facilitando aos emprendedores e persoas que teletraballan un espazo onde desenvolver os seus proxectos, especialmente nos primeiros pasos, cando os recursos adoitan ser escasos.
Na convocatoria publicada recóllese un temario centrado case exclusivamente en contidos xurídico-administrativos, deixando de lado competencias e coñecementos clave como a atención á dependencia, o traballo comunitario, a igualdade ou a dinamización sociocultural
Ante a iniciativa do BNG no Congreso, a resposta do goberno do Estado non concreta actuacións, investimentos ou prazos, o que revela unha preocupante falta de coñecemento e compromiso real coa seguridade dos veciños e veciñas de Valga
Un xantar popular, xogos infantís e unha foliada aberta, son algunhas das actividades programadas para o sábado 31 de maio na praia fluvial de Ponte Valga, onde se reivindicará e homenaxeará o legado das cantareiras e da poesía popular de Valga
No pleno celebrado o martes 6 de maio de 2025, Fran Devesa, voceiro municipal do BNG de Valga, volveu preguntar directamente ao alcalde pola súa responsabilidade neste asunto, reclamando unha solución inmediata e o cumprimento da normativa electrotécnica que garanta a seguridade dos usuarios
