BNG de Valga :: Últimas novas - Novas

O BNG propón implantar un Servizo de Taxi Social a demanda en Valga

BNG de Valga — Wed, 3 Jun 2026 07:40:35 +0200

A iniciativa busca facilitar os desprazamentos para consultas médicas ou trámites a persoas maiores, con mobilidade reducida ou sen vehículo propio, mediante un convenio cos taxistas locais

O BNG de Valga propón rescatar do abandono as pistas deportivas do Monte Beiro de Cordeiro

BNG de Valga — Wed, 27 May 2026 08:40:34 +0200

Fran Devesa lamenta que o goberno municipal priorice investimentos millonarios en grandes obras mentres esquece o mantemento do día a día, un problema estrutural no concello que ignora a conservación dos espazos públicos e instalacións municipais

O BNG pregunta ao Ministerio de Transportes polo futuro do apeadeiro de Valga tras quedar deserta a licitación para a redacción do proxecto

BNG de Valga — Tue, 19 May 2026 11:01:36 +0200

A senadora Carme da Silva presentou unha batería de preguntas dirixida ao Ministro de Transportes para que explique a situación na que queda o apeadoiro de tren de Valga, logo de coñecerse que non se presentaron ofertas ao concurso público para a redacción do proxecto

O BNG de Valga traslada o seu apoio aos traballadores/as de Nestlé e fai un chamamento á participación na mobilización deste sábado en Pontecesures

BNG de Valga — Thu, 14 May 2026 09:41:25 +0200

Fran Devesa xa trasladou todo o seu apoio ao comité de empresa, ás organizacións sindicais e ao conxunto do persoal afectado, defendendo o futuro dunha industria que garda unha estreita relación con Valga, pois son moitas familias valguesas as que traballaron e traballan na Nestlé

O BNG de Valga alerta que o alcalde asume competencias para decidir no seu despacho o que lle corresponde ao Pleno

BNG de Valga — Tue, 5 May 2026 10:07:24 +0200

Con esta decisión, o actual alcalde de Valga arrebátalle as funcións ao pleno, o órgano democrático no que está representada a totalidade dos grupos políticos municipais, e pasa a mans dunha soa persoa para esquivar o control e fiscalización

O BNG sitúa unha residencia de maiores pública como a maior prioridade para Valga

BNG de Valga — Thu, 30 Apr 2026 09:43:45 +0200

O actual goberno municipal continúa a situar as súas preferencias noutro lugar, apostando por grandes obras onde se invisten millóns de euros en proxectos que non deberían ser prioritarios, evidenciando unha falta de planificación nas cuestións esenciais e unha desconexión coas necesidades reais

O Partido Popular vota en contra da proposta para denominar as actuais instalacións deportivas de Campaña como "Complexo deportivo Diana, Rebeca e Rosi"

BNG de Valga — Fri, 24 Apr 2026 09:28:30 +0200

O alcalde non considera que Diana, Rebeca e Rosi teñan méritos suficientes para que unhas instalación deportivas municipais leven o seu nome, cando foron elas, apoiadas polo Furia AC, as que conseguiron cambiar unha normativa que recoñeceu o dereito a xogar no fútbol federativo sen limitacións por razón de sexo

O BNG de Valga apoia a iniciativa para dedicar unha rúa a Celestino Carbia Campaña

BNG de Valga — Mon, 20 Apr 2026 08:25:14 +0200

Este paso chega tamén grazas ao compromiso sostido no tempo por colectivos que nunca deixaron caer no esquecemento a memoria democrática, como son a Asociación Veciñal Cultural e Deportiva de Cordeiro, o Colectivo Memoria Histórica de Valga ou a Asociación Cultural Os Penoucos

O BNG de Valga solicita información para comprobar a actuación do goberno municipal ante un presunto caso de acoso nun obradoiro de emprego

BNG de Valga — Thu, 16 Apr 2026 12:47:06 +0200

Ante a gravidade da situación descrita pola Fiscalía de Pontevedra, o obxectivo desta solicitude é coñecer os protocolos de prevención, protección e actuación realizados, e verificar cal foi o procedemento seguido polo goberno municipal

O BNG de Valga propón melloras na rede de saneamento da parroquia de Cordeiro

BNG de Valga — Fri, 10 Apr 2026 07:43:18 +0200

Os puntos máis críticos concéntranse nas estacións de bombeo do Forno e Carracido, recibindo a primeira tamén as augas da segunda, provocando unha elevada concentración de caudal que está a provocar atascos frecuentes por falta de capacidade

O alcalde vese obrigado a anular outra licitación irregular para un servizo municipal, tras a denuncia pública do BNG de Valga

BNG de Valga — Mon, 23 Mar 2026 09:58:57 +0100

Malia esta ilegalidade manifesta, non foi até o 20 de marzo de 2026 cando o alcalde se viu obrigado a asinar un decreto no que se resolvía o desestimento da contratación do “Servizo de Asesoramento Urbanístico”, unha nova mostra de mala xestión e que se engade a unha longa listaxe

O BNG de Valga alerta da falta de mantemento das infraestruturas municipais e esixe unha planificación estruturada para garantir uns espazos públicos máis coidados

BNG de Valga — Wed, 18 Mar 2026 10:39:58 +0100

É imprescindible mellorar este servizo para garantir unha resposta máis áxil, cumprir prazos razoables e atender de forma continua as necesidades dos veciños e veciñas, fartos da inacción do goberno municipal no referente á conservación e mantemento do espazo público

A última licitación publicada polo goberno municipal para a execución do contrato dun servizo municipal incumpre, unha vez máis, a Lei de Contratos do Sector Público

BNG de Valga — Mon, 9 Mar 2026 13:41:43 +0100

A licitación para o “Servizo de Asesoramento Urbanístico” incumpre o artigo 145.7 da Lei de Contratos, que se engade a outras moitas irregularidades en materia de contratación, e que son unha mostra da deficiente xestión administrativa e económica que realiza o goberno municpal

O BNG de Valga propón denominar as actuais instalacións deportivas de Campaña como "Complexo deportivo Diana, Rebeca e Rosa"

BNG de Valga — Sat, 7 Mar 2026 09:43:49 +0100

Diana Rey, Rebeca Viñas e Rosa Pardal, xunto coa perseveranza do Furia AC, conseguiron dobregar unha normativa federativa inxusta, converténdose nun símbolo da loita contra o machismo institucional no fútbol e no deporte en xeral

O BNG de Valga consegue que o goberno municipal estableza criterios para as axudas a deportistas individuais, malia o voto en contra do Partido Popular no último pleno

BNG de Valga — Tue, 3 Mar 2026 09:03:43 +0100

O Concello de Valga pasa a regular formalmente estas axudas, establecendo requisitos como estar empadroado en Valga, contar con licenza federativa ou participar en competicións oficiais, tal e como defendeu Fran Devesa no pleno do 19 de febreiro

O BNG de Valga lamenta a falta de compromiso da Xunta de Galiza respecto da demanda para garantir a mellora da seguridade viaria no Alto de Cordeiro

BNG de Valga — Thu, 19 Feb 2026 09:05:12 +0100

O BNG de Valga entregará tamén na Subdelegación do Goberno en Pontevedra as sinaturas recollidas para reclamar un plan integral de mellora da seguridade viaria na N-550, ao seu paso por Ponte Valga

O BNG de Valga pide que se traslade ao colexio de Baño o Servizo de Madrugadores e esixe explicacións polo cobro indebido deste programa

BNG de Valga — Mon, 9 Feb 2026 10:01:24 +0100

Malia que este contrato tiña unha duración inicial dun ano, foi prorrogado mediante decreto asinado polo alcalde, polo que o Concello de Valga debe seguir asumindo este gasto e non ser as familias as que pagan directamente á empresa que presta o servizo

O BNG de Valga propón a creación dunha ordenanza para establecer criterios obxectivos que regulen o apoio municipal ao deporte local

BNG de Valga — Thu, 5 Feb 2026 10:09:16 +0100

A ausencia dun marco normativo común fixo que o apoio municipal se realizase de forma puntual e sen criterios homoxéneos, dificultando a planificación das entidades deportivas e xerando incerteza, tanto nos clubes como nos deportistas

Alcalde e concelleiros/as do Partido Popular pretenden contratar un seguro persoal, pagado con diñeiro público, que lles cubriría de posibles malas prácticas

BNG de Valga — Tue, 27 Jan 2026 09:27:10 +0100

A finalidade desta póliza é que, para cando haxa problemas derivados dunha mala decisión ou dunha actuación incorrecta, non sexa ningún membro do goberno municipal o que teña que responder co seu patrimonio persoal

O BNG de Valga propón aproveitar as axudas do IGVS para rehabilitar as antigas casas dos profesores de Baño e destinalas a alugueiro accesible

BNG de Valga — Fri, 23 Jan 2026 10:14:08 +0100

Esta actuación permitiría recuperar patrimonio público, creando até seis vivendas públicas en alugueiro accesible e contribuíndo a frear a perda de poboación nova, nun concello como Valga onde a oferta de vivenda en aluguer é practicamente inexistente